由吴千语&杜海涛主演嘅

短剧《绝境通缉令》

上周开播之后反应好好

短剧剧情嘅尺度偏大

边境贩du、拐卖少女等内容

睇到观众心惊肉跳

吴千语喺剧中人设讨好

智斗悍匪、照顾细路

勇救姊妹、温柔暖心

同佢以往偏弱小嘅角色风格唔同

简直係女英雄嘅存在

因为套短剧嘅口碑好

千语基本上唔使担心收视

连一次宣传都冇发过

有时间就孖住老公仔游山玩水

有网友就喺顺德金榜上街

遇到佢哋悠闲叹啡、逛街

不时搭肩、揽腰、咬耳仔

sweet到唔忍心打扰佢哋

▓▓▓▓▓▓▓▓▓▓▓░░░░努力加载中……

十五运马上要开波

喺顺德体育中心旁边嘅

金榜上街

係凤城美食的“宇宙中心”

好啱运动员&观赛游客去觅食

呢度汇聚咗均安鱼饼、

伦教糕、龙眼炸猪肉、鱼皮、

鸡仔饼、虫崩虫少等顺德美味

陈自瑶、黎耀祥等

大湾区明星艺人都慕名而来

每间铺头都贴住

各种媒体报道和网红打卡相

大良水草丰美、盛产水牛奶

牛乳主题嘅店铺有好多

有嘅仲係一家三代代代相传

其中梯底牛乳铺、欢记牛乳、

芳姐牛奶牛乳名气最大

识食嘅朋友

会食双皮奶、炸牛奶

然后顺手带罐“中式芝士”

亦即係牛乳片翻屋企送粥

双皮奶

炸牛奶

想食糖沙翁就要认准

阿嫲私房名点

据说呢度嘅糖沙翁

1斤面粉落30个鸡蛋

再轻揉慢捻3个钟先出炉

佛山係美食名城

亦係功夫之乡

今次全运会承办女子足球比赛嘅

南海体育中心

位于佛山有名嘅旧工业区

——狮山镇

我国最早复线嘅铁路

广三铁路嘅小塘站

就坐落于此

如今虽然站点已停运

铁道上依然可以见到

来来往往嘅绿皮火车

同两边嘅旧街

一起承载住城市嘅工业记忆

铁路旁嘅小塘旧街

藏着不少古早味

百年食肆德馨餐厅

保留上世纪嘅装修风格

经过三代传承

传统家常味道非常地道

松子鱼、滑蛋虾仁

都係经典嘅粤菜

臭屁醋更係一绝

大街小巷嘅烟火气

连拍摄剧组都为之吸引

喺电影《热辣滚烫》中

贾玲与父亲吃饭嘅波记小食店

早因镬气十足而声名远扬

得到台湾网红认证嘅

旧街角台湾食堂

卤肉饭、脆皮肉圆和布丁

通通大受好评

仲有部分嘅女子足球赛事

会喺高明体育中心举办

呢度靠近佛山重要水脉西江

水域孕育出两样独特嘅鲜味

——高明濑粉、沙寮村河鲜

从高明体育中心往南行

係人文气息浓厚嘅旧居民区

时常有剧组来呢度取景拍摄

即将播出嘅网剧《无罪之身》

就喺呢度嘅“靓记濑粉”拍摄

口感烟韧嘅高明濑粉

有近500年历史

食粉时一定要

饮一啖猪骨熬嘅高汤

杂锦濑粉係最传统嘅吃法

搭配肉丝、蛋丝、老姜

够晒惹味

濑粉店附近嘅甘泉街

係有名嘅小吃街

鑫鑫豆腐花、三记大排档、

金平牛杂、鹤山云吞

都值得一试

从高明体育中心北行

来到西江边嘅小渔村沙寮村

呢度嘅河鲜宴非常鲜美

啱捞上岸嘅河鲜

送去后厨兜一圈即刻上台

河虾、西江鳊鱼

清蒸就得

黄沙蚬和黄骨鱼

要落啲豉汁烹煮

食嘅就係鲜味

揾间餐厅上二楼啦

睇住无敌江景

吹住微微江风

品尝鲜美河鲜

真是好舒服

【观赛优惠福利嚟啦】

靓show开售

潮物推荐

广州文旅、微博、剧照、小红书等

网络平台信息综合

一审：曾敏妍

二审：董华海

三审：骆 苹

【小程序】票巴网

【微信服务号】中国邮政微邮局

【淘宝】羊晚生活馆

都可以买到《可乐生活》

▼▼▼